SON XƏBƏRLƏR
14 Oktyabr 2019
12 Oktyabr 2019
11 Oktyabr 2019
10 Oktyabr 2019
On iki nəfər Azərbaycan vətəndaşı Latviyanın təhsil təqaüdünə layiq görülüb
CƏMİYYƏT 08:35 / 17.07.2019

Azərbaycan Respublikası hökuməti ilə Latviya Respublikası hökuməti arasında təhsil sahəsində uğurlu əməkdaşlığın nəticəsi olaraq, 2019-2020-ci tədris ili üzrə Latviya Hökumətlərarası Təqaüd Proqramı üçün qarşı tərəfdən keçirilən müsabiqənin nəticələri açıqlanıb.

Təhsil Nazirliyindən bildiriblər ki, müsabiqə nəticəsində 12 nəfər Azərbaycan vətəndaşı qeyd edilən təqaüdə layiq görülüb.

Qeyd edək ki, Latviya hökumətinin bu təqaüdünə layiq görülən digər 28 ölkə üzrə ən çox təqaüd qazanmış ölkələr arasında Azərbaycan 2-ci yerdədir.

Seçim barədə Latviya tərəfindən verilən yekun qərara əsasən, saziş üzrə Azərbaycan vətəndaşları Latviyanın "Riga Technical University”, "University of Latvia”, "Latvia University of Agriculture” və "Riga Graduate School of Law” ali təhsil müəssisələrində müxtəlif ixtisaslar və təhsil səviyyələri üzrə bakalavriat (2 nəfər), magistratura (6 nəfər), doktorantura (2 nəfər) və tədqiqat işi (2 nəfər) üzrə təhsilini davam etdirmək hüququ qazanıblar.

Müvafiq təqaüd proqramı barədə bu il fevralın 8-də elan verilib.


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.