SON XƏBƏRLƏR
18 Avqust 2019
17 Avqust 2019
16 Avqust 2019
15 Avqust 2019
14 Avqust 2019
İşədüzəltmə şirkətlərinə nəzarət gücləndirilir - VİDEO
CƏMİYYƏT 13:13 / 14.08.2019

Azərbaycanda işədüzəltmə şirkətlərinə nəzarət gücləndirilir. Bu fəaliyyətlə məşğul olan şirkətlərlə bağlı yeni qaydalar təsdiqlənib. Nazirlər Kabinetinin müəyyən etdiyi qaydalarda müxtəlif yeniliklər nəzərdə tutulub.

Xezerxeber.az-ın məlumatına görə, ilk yenilik kimlərin bu fəaliyyətlə məşğul olacağı ilə bağlıdır.

Vəkil Kamandar Hüseynovun sözlərinə görə, hüquqi şəxslərin elektron reyestri yaradılacaq. Reyestr Əmək və Əhalinin Sosial Müdafiəsi Nazirliyində olacaq. Reyestr Elektron Hökumət İnformasiya Sistemi vasitəsilə digər informasiya ehtiyatları və sistemləri ilə inteqrasiya ediləcək.

Ekspert bildirir ki, yeni qaydaların tətbiqindən sonra bu sahədə mövcud olan pərakəndəlik hallarına son qoyula bilər.

Yeni qaydalardan sonra hüquqi şirkətlər işaxtaran və işsiz şəxslərin işə düzəlməsində vasitəçilik fəaliyyəti ilə əlaqədar toplanılmış informasiyanı Nazirliklə bölüşməlidirlər. Azərbaycan vətəndaşlarının xarici ölkələrdə, əcnəbilərin və vətəndaşlığı olmayan şəxslərin Azərbaycan ərazisində işə düzəlməsində vasitəçilik fəaliyyəti ilə məşğul olan hüquqi şəxslər Miqrasiya Məcəlləsinin tələblərinə əməl etməlidir.

Xezerxeber.az mövzu ilə bağlı daha ətraflı videomaterialı təqdim edir:


© xezerxeber.az
Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.