SON XƏBƏRLƏR
18 Sentyabr 2019
17 Sentyabr 2019
16 Sentyabr 2019
13 Sentyabr 2019
12 Sentyabr 2019
Masallıda tütünçülük ənənələri bərpa olundu, məhsul yığımı başladı - VİDEO
CƏMİYYƏT 22:44 / 16.08.2019

Uzun fasilədən sonra Masallıda tütünçülük ənənələri bərpa olunub. Artıq tütünçülər məhsul yığımına başlayıblar.

Oxu.Az-ın bölgə müxbiri xəbər verir ki, üç ildir əkin işləri görən təsərrüfatçılar bu il sahələrini 35 hektara çatdırıblar.

Rayonda tütün, əsasən, Qızılağac, Xırmandalı, Şərəfə, Bədəlan və digər 10-a yaxın kənddə əkilib.

İlk yığımda sahələrin hər hektarından təxminən 500-600 kiloqram yaş tütün toplanırdısa, bitkinin boyu artdıqca bu göstərici də çoxalır. Bu il əkinçilər hər hektardan iki tona yaxın məhsul gözləyir.

Yığılan yarpaqlar ipə düzülərək hava şəraitindən asılı olaraq 3-5 gün ərzində qurudulur və bağlanmış müqavilə əsasında tədarük məntəqəsinə təhvil verilir. Bu günə kimi 280 ton yaş tütündən 6,2 ton quru tütün təhvil verilib. Gələcəkdə rayonda həm tütün qəbulu məntəqələri, həm də qurutma sexləri qurulacaq. 

Bundan başqa, tütünçülüyü daha da inkişaf etdirmək üçün yeni əkin texnologiyalarının tətbiqi reallaşacaq.

Tütün yığımı fasilələrlə oktyabrın sonuna qədər davam edəcək. 



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.