SON XƏBƏRLƏR
18 Sentyabr 2019
17 Sentyabr 2019
16 Sentyabr 2019
13 Sentyabr 2019
12 Sentyabr 2019
Elçin Əlibəyli Maral Tahirqızından ÜZR İSTƏDİ, Bayram Nurludan isə GÖRÜN NƏLƏR DEDİ - ŞOK
MƏDƏNİYYƏT-ŞOU 11:45 / 30.08.2019

"Əzizlərim, bu gün atdığım addımın davamı kimi iki məsələ ilə bağlı aydınlıq gətirmək və daha çox sizdən, üzr istəmək niyyətindəyəm. Maral Tahirqızı ilə bağlı bütün iradları qəbul edirəm və bir xanım kimi onunla o cür rəftar etməli deyildim. Sadəcə həmin vaxt mən onun qismində qadın yox, sənətə yüngüllük gətirən şəxslərin birləşmiş obrazını gördüm və bir növ partladım".

Publika.az xəbər verir ki, bu sözləri məşhur aparıcı Elçin Əlibəyli sosial şəbəkədə yazıb. Maral Tahirqızından üzr istəyən E.Əlibəyli daha sonra Bayram Nurlunu tez-tez efirə çağırmasının səbəblərini izah edib:

"Əlbəttə, bunu etməli deyildim, amma hər kəsin iş prosesində səhvi ola bilər. Bu baxımdan birinci hamınızdan, ayrıca Maral Tahirqızından sırf qadın olduğu üçün üzr istəyirəm. İkinci, Bayram Nurlu məsələsinə aydınlıq gətirim. KİV-də və dövlət qurumlarında çalışanlar bilir ki, bir çox halda icraçılar üzdə olub, qınansa da məsələlər onlarsız həll olunur. Dolayısı ilə nə dediyimi anladınız və rica edirəm, anlaşıqlı olub, bu məsələdə məni qınamayasınız. Hər birimiz elə situasiyalar olub ki, övladımıza görə nəyisə udmalı olmuşuq. Ola bilsin bu mənim işimə xəyanətdir, qəbul edirəm. Buna görə də sizin hər birinizdən üzr istəyirəm və söz verirəm ki, sonrakı fəaliyyətimdə bunlara oxşar və ya digər irad bildirdiyiniz məqamlar təkrarlanmayacaq. Sizə mənə olan münasibətinizdən asılı olmayaraq, hər birinizə dərin ehtiramımı bildirirəm!".

Aparıcı daha sonra əlavə edib ki, Pasternakın "Avqust" şeiri onu çox təsirləndirib. Odur ki, xətrinə dəydiyi insanlardan üzr istəmək qərarına gəlib:

"Bu şeir məndə belə hiss oyatdı ki, kimlərin qəlbinə dəymişəmsə onların ürəyini ovudum. Bu şeiri ilk dəfə oxuyanda çox gəncidim və daha çox poetik lövhə kimi maraqlı gəlirdi, amma indi yaşantımla eyniliyi tapdım. Qəribə olur insan bəzən...

Aralarında soyuqluq yaranan dostlarımı barışığa dəvət etdim. Düşünürəm ki, bu işdə birinci özüm nümunə göstərməliyəm. Bəxtiyar Hacıyevlə aramızda mənasız bir konflikt yaşandı. O məni verilişə görə ağır tənqid etdi, mən onun ünvanına gərəksiz söz işlətdim. Bir insanın ürəyini sındırmaq, xətrinə dəymək kimi addımı qaynar başla edib, sonra uzun müddət bunun əzabını çəkən adamam. Ona görə, Bəxtiyar Hacıyevdən dediyim sözə görə üzr istəyirəm və ortaq dostlarımızı bizi barışdırmaqda yardım etməyə dəvət edirəm!"


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.