SON XƏBƏRLƏR
21 Noyabr 2019
20 Noyabr 2019
19 Noyabr 2019
18 Noyabr 2019
15 Noyabr 2019
14 Noyabr 2019
13 Noyabr 2019
Qüdrət Həsənquliyev: Onların fəaliyyətindən ölkəmizin gələcəyi çox asılıdır
SİYASƏT 10:01 / 24.10.2019

Millət vəkili, Bütöv Azərbaycan Xalq Cəbhəsi Partiyasının sədri Qüdrət Həsənquliyev Prezident İlham Əliyev tərəfindən imzalanan son sərəncamları və kadr islahatlarını şərh edib.

Publika.az Moderator.az-a istinadən xəbər verir ki, millət vəkili xalqımızın bu dəyişiklikləri çoxdan gözlədiyini bildirib.

"Çünki ümidlər, xalqımızın xoşbəxt gələcəyi yeni kadrlarla başladılmış islahatların genişləndirilməsinədir. Qarabağın azadlığı da bu islahatlardan keçir. Yeni kadrlar təkcə Prezident qarşısında deyil, bütün xalqımız qarşısında necə böyük məsuliyyət daşıdıqlarının fərqində olmalıdırlar. Tam səmimi deyirəm ki, onların fəaliyyətindən ölkəmizin gələcəyi çox asılıdır. Onlar keçid dövrünün səlahiyyətliləri olduqlarından adlarını xalqımızın tarixinə qızıl hərflərlə yaza bilərlər. Onlar özlərinə bir çox məsələlərdə yox deməyi bacarmalıdırlar. Xalqımız onlardan təşəbbüskarlıq və fədakarlıq gözləyir. Uğursuzluq ölkəmizi ciddi böhrana sürükləyə bilər", - Qüdrət Həsənquliyev qeyd edib.

KİV-də razılaşdırılmamış mitinq cəhdinin işıqlandırılmasına toxunan partiya sədrinin sözlərinə görə, dövlətimizin gələcəyini düşünən vətənpərvər jurnalistlərə təxribatçıların ifşa olunması istiqamətində göstərdikləri fədəkarlığa görə təşəkkür etməklə yanaşı, sifarişli, bəzi xarici və iqtidarlı - müxalifətli daxili mafioz qüvvələr tərəfindən təşkil olunmuş təxribatın onun təşkilatçılarına yaxın jurnalistlər tərəfindən işıqlandırılmasının təhlili göstərir ki, təxribatda əsas hədəf ölkəmiz olmaqla Prezident seçilmişdir:

"Amma təkcə o yox, həmçinin ölkənin təhlükəsizliyinə cavabdeh olan, təzə təyin olunmuş Daxili İşlər Naziri və Dövlət Təhlükəsizlik Xidmətinin Rəisi. O cümlədən, iqtidarın siyasətini ​ dəstəkləyən bəzi ​ kütləvi informasiya vasitələrinə mənbəyi bəlli olmayan informasiyalar ötürməklə onların nüfuzuna ciddi zərbə vurmaq, ölkənin imicini korlamaq, onun tərəfdaşları ilə münasibətlərinə xələl gətirmək ​ kimi fəaliyyət öncədən planlaşdırılmışdır. Bu təxribat həm də diqqətin Qarabağ problemindən yayındırılmasına hesablanmışdır. Amma kimin nə yazmasından, deməsindən asılı olmayaraq son dəyişikliklər göstərir ki, heç kim nə bu gün, nə də gələcəkdə bu cür təxribatlarla Prezidenti qorxuda bilməz. Prezident islahatları davam etdirir və cəmiyyəti əmin edir ki, bəyan etdiyi kimi onun sözü imzası qədər mötəbərdir. Hazırkı tarixi dönəmdə xalqımızın təxruibatçıları şiddətlə ​ qınamasına və Prezidenti isə ​ daha ciddi dəstəkləməsinə böyük ehtiyac yaranmışdır".


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.