SON XƏBƏRLƏR
07 Dekabr 2019
29 Noyabr 2019
28 Noyabr 2019
25 Noyabr 2019
24 Noyabr 2019
22 Noyabr 2019
21 Noyabr 2019
20 Noyabr 2019
19 Noyabr 2019
Pakistanın "Dəmir Qadın"ı Bakıda - VİDEO
CƏMİYYƏT 09:02 / 11.11.2019
Pakistanın BMT-dəki xoşməramlı səfiri Muniba Mazari Heydər Əliyev Fondu və Azərbaycan Respublikası Milli paralimpiya Komitəsinin dəvəti ilə Bakıda səfərdədir.  

Oxu.Az xəbər verir ki, o, Heydər Əliyev Fondu və Milli Paralimpiya Komitəsinin birgə təşkil etdiyi "Yenilməzlər” beynəlxalq qala təqdimatına və V Uşaq Paralimpiya Oyunlarına qatılmaq üçün şəhərimizin qonağıdır.  

Bir neçə gün Bakıda olacaq Muniba Mazari noyabrın 13-də Gənc Tamaşaçılar Teatrında baş tutacaq "Yenilməzlər” tədbirində təqdimatla çıxış edəcək. Muniba xanım 14 noyabr tarixində baş tutacaq V Uşaq Paralimpiya Oyunlarını da izləyəcək.  

Pakistanın "Dəmir Qadını” adlandırılan Muniba Mazari 3 mart 1987-ci ildə anadan olub. O, 2007-ci ildə 20 yaşı olarkən ağır yol qəzası nəticəsində ağır xəsarətlər alaraq yerimək qabilliyyətini itirib.  

Qəza nəticəsində bədəninin bir çox nahiyələrindən ciddi zədə alaraq nəinki gəzmək, hətta bir müddət çox sevdiyi rəsm çəkməkdən belə məhrum olub. Qəzadan sonra onun həyatında çətin günlər başlayıb. İki il ərzində yatağa məhkum olan Mazarinin həyat yoldaşı onunla ayrılaraq, övladlığa götürdükləri oğulları Nil ilə yalnız buraxıb.  

Yalnız həyat yoldaşı yox, Mazarinin atası da bu çətin anlarda ailəsini tərk edib. Ancaq onun güclü iradəsi həyatın gətirdiyi çətinlikləri dəf etməyə yardımçı oldu. O artıq əlil arabasından istifadə edərək yenidən sevimli işi ilə məşqul olmağa başlayıb.  

Aktiv fəaliyyətə başlayan Mazari Pakistan telekanallarından birində aparıcı kimi fəaliyyətə başlayandan sonra ölkəsində məhşurlaşmağa başlayıb. Eyni zamanda rəssamlıq fəaliyyətini də davam etdirərək "Munibanın Kətanı” brendi adı altında fəaliyyət göstərən M.Mazari aktiv ictimai fəaliyyətini həyata keçirməkdədir.  

O, bir çox sosial lahiyələrin iştirakçısı olaraq uşaq zorakılığı və cinsi bərabərsizliyə qarşı maarifləndirmə işlərində aktiv iştirak edir, uşaqların təhsil hüquqlarının həyata keçirilməsinə çalışır. Muniba Mazari Pakistanın əlil arabası istifadəçisi olan ilk incəsənət xadimi və bu ölkənin BMT-dəki xoşməramlı səfiri olan ilk qadın təmsilçisidir.  

O, həmçinin, BBC tərəfindən 2015-ci ilin ən nüfuzlu 100 qadını siyasına daxil edilib. Eyni ildə Forbes jurnalının "30 yaşdan aşağı 30 ən uğurlu şəxs” siyahısına salınıb. 

 



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.