SON XƏBƏRLƏR
07 Dekabr 2019
29 Noyabr 2019
28 Noyabr 2019
25 Noyabr 2019
24 Noyabr 2019
22 Noyabr 2019
21 Noyabr 2019
20 Noyabr 2019
19 Noyabr 2019
Mühafizə şirkəti işçilərinin aldadılması ilə bağlı qalmaqal böyüyür - TƏFƏRRÜAT - VİDEO
REPORTAJ 19:09 / 20.11.2019

Ötən gün "Xəzər Xəbər"də yayımlanan və Sabirabad rayonunda mühafizə şirkəti işçilərinin aldadılması ilə bağlı xəbər ətrafinda qalmaqal böyüyür. Tərəflər bir-birilərini qanunsuzluqda ittiham edirlər. "Xəzər Xəbər" məsələnin yeni təfərrüatlarını araşdırıb.

Xezerxeber.az-ın məlumatına görə, dünən haqqında ittihamlar səsləndirilən Beynəlxalq Təhlükəsizlik Xidməti Şirkətinin icraçı direktoru Cavidan Camalov Xəzər Televiziyasına gələrək bildirdi ki, Sabirabadda mühafizəçilərin maaşla bağlı probleminin yaranmasına həmin ərazidə rəis vəzifəsini icra edən Baba Qədirovun qanunsuz əməlləri səbəb olub.

Cavidan Camalov məsələ ilə bağlı hüquq-mühafizə orqanlarına məlumat verdiklərini də bildirdi.

Qanunsuzluqda ittiham edilən Baba Qədirovla biz də əlaqə saxladıq. O isə bildirdi ki, işə götürülən bütün şəxslər barədə şirkətin rəhbərliyi məlumatlı olub.

Maaş ala bilməyən işçilər isə bildirir ki, şirkət rəhbərliyinin məsələdən məlumatsız olduqlarını bildirmələri tamamilə əsassızdır. Onların sözlərinə görə, dəfələrlə rəhbərliklə görüşüblər və hətta birlikdə şəkil də çəkdiriblər.

İddialarla bağlı "Xəzər Xəbər"ə açıqlama verən mühafizə şirkətinin rəisi Fuad Əliyev isə bildirdi ki, həqiqətən də maaşla bağlı ona bir nəfər müraciət edib və o dərhal Baba Qədirova deyib ki, həmin adamın pulu verilsin. Fuad Əliyev onu da bildirdi ki, işçilərlə şəkil çəkdirib, ancaq onların heç də hamısı maaşla bağlı problemi olan insanlar deyil.

Məsələ hüquq muhafizə orqanlarının araşdırmasından sonra öz həllini tapacaq.

Xezerxeber.az mövzu ilə bağlı daha ətraflı videomaterialı təqdim edir:


© xezerxeber.az
Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.