SON XƏBƏRLƏR
21 Sentyabr 2018
20 Sentyabr 2018
19 Sentyabr 2018
Sumqayıtda insanlığa yaraşmayan hərəkət - Kimliyi bilinməyən bir nəfər itin gözlərini oyub - VİDEO
HADİSƏ 09:12 / 18.08.2018

Sumqayıtda insanlığa yaraşmayan hərəkət törədilib. Kimliyi bilinməyən bir nəfər itin gözlərini oyub. Çəkiliş qrupumuz həmin ünvanda olub. It ilkin yardım üçün əvvəlcə Sumqayıt Şəhər Baytarlıq Idarəsinə aparılıb, daha sonra isə heyvan sığınacaqlarından birinə təhvil verilib.

Hadisəni eşidər-eşitməz üz tutduq həmin ünvana...

Gözləri və ayaqları al-qan içində olan it binanın blokunda çarəsizcə yatırdı

Bura Sumqayıt şəhəri Nizami küçəsi 5 ünvanında yerləşən yaşayış binasının bloklarından birinin içidir. Kimliyi bilinməyən bir nəfər tərəfindən sahibsiz itə qarşı sözün əsl mənasında zorakılıq tətbiq olunub. İtin gözlərini çıxarmaq istəyən şəxs onun hər iki gözünə ciddi xəsarət yetirib.

Hadisə ilə bağlı elə həmin bina sakini Sürəyya Hüseynova bizə məlumat vermişdi. Onun sözlərinə görə, işgəncə verilən it gecə saatlarında gətirilərək həmin binanın blokuna atılıb

Sahibsiz itin bu hala salınması bina sakinlərinin qəzəbinə səbəb olub.

Elə bina sakini Sürəyya Hüseynova tərəfindən Evsiz Heyvanlarin Müdafiə İctimai Birliyinin əməkdaşları da həmin yerə dəvət olunmuşdu.

Daha sonra isə it ilkin tibbi yardım göstərilməsi üçün Sumqayıt şəhəri Baytarlıq İdarəsinə aparıldı. Yaralı olan it həddindən artıq aqressiv olduğundan ona ilkin yardım göstərmək mümkün olmadı. Sumqayıt Baytarlı xidmətinin rəis vəzifəsini müvəqqəti icra edən Elman Aslanov bildirdi ki, idarə tərəfindən hadisəni törədən şəxsin tapılması üçün Sumqayıt şəhər polis idarəsinə məlumat veriləcək.

Daha sonra it reablitasiya keçmək üçün Evsiz Heyvanlarin Müdafiə İctimai Birliyinin Mərdəkan qəsəbəsində yerləşən sığınacağına aparıldı.

Qeyd edək ki, inzibati xətalar məcəlləsinə görə, heyvanlara qarşı zorakılıq tətbiq edən şəxslər 500 manata qədər cərimə edilir.


75 dəfə oxunub
Regioninfo.az © 2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.