SON XƏBƏRLƏR
26 Iyun 2019
25 Iyun 2019
24 Iyun 2019
23 Iyun 2019
22 Iyun 2019
Bakıda dəhşətli qətl: Gənc ürəyindən bıçaqlandı - VİDEO
HADİSƏ 09:42 / 18.08.2018

Gecə Bakıda qətl hadisəsi baş verib. Kafedə yeyib içən həmyerlilər əvvəlcə mübahisə ediblər. Daha sonra isə onlardan biri digərini bıçaqlayaraq qətlə yetirib.

Kafedə həmyerlilərin mübahisəsi ağır cinayətlə başa çatıb. Biri digərini bıçaqlayaraq qətlə yetirib.

Ağır cinayət gecə paytaxtın Xəzər rayonu Binə qəsəbəsində baş verib. Polisə məlumat daxil olub ki, sözügedən qəsəbədə ''Zeytun'' kafesində dava zamanı bir nəfər bıçaqlanıb. Hadisə yerinə dərhal ərazi üzrə 2-ci polis şöbəsinin əməliyyatçıları gəlib.

Məlum olub ki, bıçaqlanaraq öldürülən 35 yaşlı qəsəbə sakini Orucəli Xanızadədir. Meyit müayinə olunmaq üçün rayon məhkəmə tibbi ekspertiza və pataloji anatomiya birliyinə aparılıb. Ekspertlər onun bədənindən bir neçə bıçaq xəsarəti aşkar ediblər.

Əməliyyat-axtarış tədbirlərinə başlayan polis əvvəllər məhkum edilmiş Orucəli Xanızadəni öldürməkdə şübhəli bilinən həmyerlisi Etibar Qəhrəmanovu saxlayıb. Saxlanılan şəxs istintaqa ifadəsində törətdiyi cinayət əməlini etiraf edib. Etibar bildirib ki, Orucəli Xanızadəni kafedə onun ünvanına nalayiq ifadələr işlətdiyinə görə vurub.

Faktla əlaqədar Xəzər Rayon Prokurorluğunda cinayət Məcəlləsinin qəsdən adam öldürmə maddəsi ilə cinayət işi başlanılıb. Hadisənin baş vermə səbəbi aparılacaq araşdırmadan sonra məlum olacaq.



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.