SON XƏBƏRLƏR
22 May 2019
21 May 2019
20 May 2019
Ödənişli olması gözlənilən yolda sürət həddi artırılacaq - Qiyməti Tarif Şurası müəyyən edəcək - VİDEO
CƏMİYYƏT 17:25 / 20.09.2018

Yeni istifadəyə verilən Ələt-Astara-İran İslam Respublikası ilə dövlət sərhədi avtomobil yolunun ödənişli olacağı gözlənilir.

Xezerxeber.az-ın məlumatına görə, Avtomobil Yolları Dövlət Agentliyinin mətbuat xidmətinin rəhbəri Anar Nəcəfli sözügedən yolla bağlı bəzi məqamları açıqlayıb. Anar Nəcəflinin sözlərinə görə, həmin yolun ödənişli olması ilə bağlı aidiyyati qrumlara təkliflər gödərilib. Yoldan istifadənin qiymətini Tarif Şurası müəyyən edəcək.

Anar Nəcəfli bildirib ki, həmin yolda avtomobil yaşayış məntəqələrindən keçmir və daha sürətli olmaqla, sürücülərin mənzil başına tez çatmasını təmin edir. Yol ödənişli olduğu təqdirdə sürətin 110 km-dən artıq olacağı gözlənilir.

Dünya təcrübəsinə əsasən, ödənişli yol istifadəyə verilən zaman mütləq ona alternativ yol da olmalıdır. Həmin yolun asfalt örtüyü keyfiyyət baxımından pullu yoldan geri qalmamalıdır.

Qeyd edək ki, əvvəl Ələt-Astara-İran İslam Respublikası ilə dövlət sərhədi avtomobil yolunun ümumi uzunluğu 243 kilometr idisə, yeni avtomobil yolunun uzunluğu 204 kilometrdir. Hazırda həmin yoldan istifadə pulsuzdur.

Xezerxeber.az mövzu ilə bağlı daha ətraflı videomaterialı təqdim edir:



Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.