SON XƏBƏRLƏR
10 Dekabr 2018
09 Dekabr 2018
“Arvadıma təcavüz etdiyi üçün onu öldürdüm” - Futbolçunun qatili
KRİMİNAL 14:13 / 06.11.2018

Braziliyanın "San Paulo” klubunun yarımmüdafiəçisi Daniel Korrea Freytasın öldürülməsinin səbəbləri bəlli olub. Futbolçunu qətlə yetirən 38 yaşlı Edison Brittes Junior canlı yayımda ifadə verib.

O, Korreanın onun arvadına təcavüz etdiyini bildirib: "Qapını açıb otağa girdim və Korreanın arvadıma təcavüz etdiyini gördüm. Həyat yoldaşım qışqırıb yardım istəyirdi. Mənim etdiyimi hər kəs edərdi. Braziliyadakı istənilən qadına təcavüz etsəydi, onu öldürərdim”.

Həyat yoldaşı Allananın futbolçu ilə öncədən də münasibətləri olduğu iddialarını rədd edən Brittes "o vəziyyətə sizin ananız, bacınız və ya həyat yoldaşınız da düşə bilərdi” deyib: "O, mənim 20 illik həyat yoldaşımdır. Şaiyələr hər zaman yayıla bilər. Həqiqətlər də üzə çıxacaq. Bunu deyənlər qadınlara qarşı təcavüz edənləri cəzalandırmaq istəməzdilər? Onu yerə atdım və öldürdüm”.

Hadisə yerində olan polsilərdən biri isə açıqlamasında futbolçunun küçədə öldürülüdüyünü söyləyib: "Onun üzərində işgəncə əlamətləri var. Böyük ehtimalla futbolçu küçədə işgənclərə məruz qalaraq öldürülüb”.

Hadisədən öncə isə Korrea dostuna foto göndərərək bunları yazıb: "Yanımda yatan qadın mənimdir və burada xeyli sayda qadın var. Allana və onun anası ilə birlikdə bir gecə keçirəcəm. Üstəlik, onların atası da buradadır və qızın doğum günüdür”.

Mesajlarda dostunun onu xəbərdar etdiyi də aydınlaşıb: "Brittes oyanacaq və onun həyat yoldaşı ilə birlikdə olduğunu görəcək. Səni öldürənə qədər döyəcəklər. Oradan uzaqlaş”.

Lakin futbolçu dostunun bütün təkidlərinə baxmayaraq oradan uzaqlaşmayıb. ("Qafqazinfo”)


167 dəfə oxunub
Regioninfo.az ©2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.