SON XƏBƏRLƏR
10 Dekabr 2018
09 Dekabr 2018
Azərbaycanda şəkərli diabet xəstələrinin sayı ilbəil artır
ARAŞDIRMA 19:10 / 14.11.2018

Azərbaycanda şəkərli diabet xəstələrinin sayı il ərzində təxminən 20-25 min nəfər artır.

Bunu səhiyyə nazirinin müavini Elsevər Ağayev deyib.

Onun sözlərinə görə, 2017-ci ilin sonuna olan məlumata əsasən, Azərbaycanda 243 200 nəfər şəkərli diabetdən əziyyət çəkir: "Onların 53 min nəfəri insulindən asılı olan 1-ci tip, təxminən 37 min nəfəri isə həm insulin, həm də həblə müalicə olunan xəstələrdir. Qalan 153 min xəstə isə yalnız həbdən asılı olan 2-ci tip şəkərli diabet xəstələridir".

E.Ağayev əlavə edib ki, 2018-ci ilin 8 ayı ərzində şəkərli diabet xəstələrinin sayına 20 min xəstə də əlavə edilb. Hazırda Azərbaycanda 263 mindən çox şəkərli dabet xəstəsi qeydiyyatdadır:

"Bu da o deməkdir ki, xəstələrin sayı il ərzində təxminən 20-25 min nəfər artır. Sözsüz ki, bu, dövlətimizin diqqətində olan ən vacib məsələlərdən biridir".

Nazir müavini onu da qeyd edib ki, Ümumdünya Səhiyyə Təşkilatının məlumatına görə, 20-25 il əvvəl dünyada cəmi 30 milyon şəkərli diabet xəstəsi qeydiyyatda olubsa, son rəsmi məlumatlara əsasən, bu xəstələrin sayı 200 milyondan, qeyri-rəsmi məlumatlara görə isə 400 milyondan artıqdır. Təşkilatın proqnozlarına görə, 2045-ci ildə bu xəstəlikdən əziyyət çəkənlərin sayının 620-630 milyona çatacağı gözlənilir:

"Heç bir xəstəlikdə bu cür artım dinamikası yoxdur. Bu xəstəliyə qarşı cəmiyyət dövlət orqanları ilə birlikdə mübarizə aparmalıdır". (Trend)


89 dəfə oxunub
Regioninfo.az ©2018 Bütün hüquqlar qorunur
Təsisçi: Demokratik Cəmiyyətin İnkişafına Yardım İctimai Birliyi
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.