SON XƏBƏRLƏR
27 Iyun 2019
26 Iyun 2019
25 Iyun 2019
24 Iyun 2019
23 Iyun 2019
22 Iyun 2019
Azərbaycanda "donuz qripi" təhlükəsi varmı? - AÇIQLAMA - VİDEO
CƏMİYYƏT 10:47 / 10.01.2019

Gürcüstanda "donuz qripi" virusundan ölənlərin sayının 13 nəfərə çatması ilə bağlı xəbərlər bu ölkə ilə sıx gediş-gəlişi olan Azərbaycanda narahatlıqla izlənir. Ancaq ölkəmizdə müvafiq rəsmi qurumlar mümkün riskə qarşı ciddi tədbirlərin görüldüyünü deyirlər.

Məlumata görə, Gigiyena və Epidemiologiya Mərkəzinin direktor müavini Afaq Əliyeva bildirib ki, hazırda Azərbaycanda vəziyyət sabitdir. Oktyabr ayından etibarən 280-dən yuxarı insandan nümunə götürülüb və hər hansı təhlükəli virus aşkar olunmayıb. Ancaq yoluxma baş verərsə və viruslu insan qeydə alınarsa, bunun üçün Bakıda Ağciyər Xəstəlikləri İnstitutu, Kliniki Tibbi Mərkəz və 7 saylı Uşaq Yoluxucu Xəstəliklər Xəstəxanasında xüsusi palatalar hazırlanıb. Bununla belə, Afaq Əliyevan bəzi tövsiyələr də verib.

"Donuz qripi"nin əlamətlərinə gəlincə, Afaq Əliyeva deyib ki, adi respirator qripdən fərqli olaraq, pandemik qrip daha ağır şəkildə olur.

Afaq Əliyevanın sözlərinə görə, xüsusilə azyaşlı uşaqlar, yaşlı insanlar və xronikli xəstəlikləri olanlar risk qrupuna daxildir.

"Donuz qripi" virusuna yoluxmamaq üçün insanların sıx olduğu yerlərdə uzun müddət qalmamaq və qrip virusu olan insanlarla yaxın təmasda olmamaq lazımdır. Bundan əlavə, şübhəli əlamətlər hiss etdikdə həkim nəzarəti olmadan hər hansı dərman qəbul etmək də məsləhət deyil.

Afaq Əliyeva onu da bildirib ki, "donuz qripi" xəstəliyinin əsas yoluxma mənbəyi insanlar və heyvanlar - yəni donuzlardır. Bu virus hava-damcı yolu ilə yoluxduğundan qida məhsullarından keçmək riski çox deyil. Nəzarət tədbirləri çərçivəsində Azərbaycanda donuzçuluq təsərrüfatında olan donuzlar arasında da peyvəndləmə işləri aparılıb. Heyvanlar arasında da virusla yoluxma aşkar ediləməyib.




Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.