SON XƏBƏRLƏR
17 Sentyabr 2019
16 Sentyabr 2019
13 Sentyabr 2019
12 Sentyabr 2019
11 Sentyabr 2019
Çin gömrükçüləri xeyli miqdarda panqolin pulcuğu və fil dişi müsadirə edib
DÜNYA 12:48 / 02.02.2019
Çinin gömrük xidmətinin əməkdaşları qaçaqmalçılıq yolu ilə Afrikadan gətirilən 8268 kiloqram panqolin pulcuğunu və 2070 kiloqram fil dişini müsadirə edib.

AZƏRTAC xəbər verir ki, gömrük orqanlarına bir müddət əvvəl daxil olmuş məlumat əsasında keçirilmiş əməliyyat nəticəsində Honkonq şəhərindəki limanda Nigeriyadan gələn yük konteynerlərində ərzaq məhsullarının arasında qutularda gizlədilmiş fil dişi və panqolin pulcuqları aşkar edilərək götürülüb. Nəsli kəsilməkdə olan heyvanların qiymətli orqanlarının qanunsuz ticarəti ilə məşğul olan şirkətin məsul əməkdaşları da həbs olunub.

Çin qanunlarına əsasən, qiymətli heyvanların orqan və hissələrinin ümumi dəyəri 1 milyon yuandan (148 min ABŞ dolları) çox olan qaçaqmalçılığına görə ən azı 10 il, bəzən isə ömürlük azadlıqdan məhrumetmə cəzası verilir.

Dünyanın ən çox satılan məməliləri olan panqolinlərin nəslinin tükənməsi təhlükəsi var. Afrika və Asiya qitələrində 8 növü yaşayan bu heyvanlar dünyada yeganə pulcuqlu məməlilərdir.

Dünya Vəhşi Təbiət Fondunun hesabatına əsasən, planetimizdə ildə 20 min Afrika fili qazanc məqsədilə öldürülür ki, bu da nəticədə həmin heyvan növünün tamamilə yox olmasına gətirib çıxara bilər.

Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.