SON XƏBƏRLƏR
27 Iyun 2019
26 Iyun 2019
25 Iyun 2019
24 Iyun 2019
23 Iyun 2019
22 Iyun 2019
Azərbaycan Rusiya və Orta Asiya ölkələrinə tikinti materialları ixrac edəcək
CƏMİYYƏT 11:06 / 18.05.2019

Azərbaycan xarici ölkələrə tikinti materialları ixrac etməyi planlaşdırır.

Bu barədə Trend-ə açıqlamasında "FAB Boya və Kimya Sənayesi" Məhdud Məsuliyyətli Cəmiyyətin direktoru Kənan Məhərrəmov deyib.

Onun sözlərinə görə, MMC-nin tərkibində 5 fərqli istehsal müəssisəsi fəaliyyət göstərir: "Bunlardan biri ötən ilin yanvarında fəaliyyət göstərən "BƏYAZ ALÇI" fabrikidir. Burada astar, üzlük, son qat üzlük, astar suvağı, fuqa alçıpan olmaqla 13 adda alçı məhsulu hazırlanır. Fabrik gün ərzində 900 tondan çox gips məhsulu istehsal etmək gücünə qadirdir. Müəssisə Almaniya və Türkiyənin ən müasir avadanlıqları ilə təchiz olunub. İstehsal prosesi tam avtomatlaşdırılmış sistem üzrə aparılır".

Müəssisə rəhbəri bildirib ki, fabriki qurarkən əsas missiya yerli xammaldan istifadə edərək, texnoloji yeniliklərin tətbiqi ilə cəmiyyətə, ətraf mühitə yararlı, keyfiyyətli məhsullarla ölkə iqtisadiyyatına fayda vermək olub: "Yeni bir istehsal müəssisəsinin istismara verilməsi həm də yeni iş yerlərinin açılması, yüzlərlə vətəndaşımızın sosial rifahının yaxşılaşdırılması, eyni zamanda gənclərin öz karyeralarını qurmalarına yol açacaq ən mühüm vasitə deməkdir. Məhsulların dünya standartlarının tələblərinə uyğun hazırlanmasına ciddi nəzarət olunur və bu məhsullar xarici bazarda rəqabət aparma gücünə qadirdir".

K.Məhərrəmov bildirib ki, müəssisənin məhsulları dünya standartlarına tam cavab verdiyindən, həmin məhsulların xaricə ixracı planlaşdırılır: "Əsasən Rusiya və Orta Asiya ölkələrinə məhsul ixrac etməyi planlaşdırırıq".


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.