SON XƏBƏRLƏR
22 Iyul 2019
21 Iyul 2019
20 Iyul 2019
Azərbaycanda kişi gəlininin gizli görüşdüyü oğlanı tutdu və... - TƏFƏRRÜAT
CƏMİYYƏT 21:10 / 19.06.2019

Neftçala rayonunda baş vermiş güllələnmə hadisəsinin təfərrüatları məlum olub.

Publika.az-ın əldə etdiyi məlumata görə, rayonun Astanlı kəndində 1990-cı il təvəllüdlü Şahin Fərəməzova (ad və soyadlar şərtidir) atəş açaraq ona xəsarət yetirən 1960-cı il təvəllüdlü Məmməd Musayev tutulub. Ondan hadisədə istifadə etdiyi ov tüfəngi götürülüb.

İlkin araşdırmalar zamanı məlum olub ki, Ş.Fərəməzovla M.Musayevin oğlunun həyat yoldaşı arasında gizli münasibət olub. Bu səbəbdən Musayevlər ailəsində söz-söhbət olub və 59 yaşlı kişi gəlinin oğlundan boşanaraq evi tərk etməsini tələb edib. Eyni zamanda gəlinin kənd sakini olan başqa şəxsl münasibətdə olmasını bilənən kişi həmin şəxsi cəzalandırmaq qərarına gəlib və evin həyətində tutduğu gənc oğlana atəş açıb. 29 yaşlı Ş.Fərəməzov hadisə vaxtı qaçmağa nail olub və yalnız bud nahiyəsindən xəsarət alıb. Onun həyatına təhlükə olmadığı bildirilir.

Bildirilir ki, hadisəni törədən şəxsin oğlu daş karxanasında çalışır.

Faktla bağlı araşdırmalar davam etdirilir.

Muxtar

****

09:45

Neftçala sakini odlu silahdan açılan atəş nəticəsində xəsarət alıb.

Hadisə rayonun Astanlı kəndində baş verib.

Kənd sakini, 1990-cı il təvəllüdlü Ş.F sağ bud nahiyəsindən aldığı güllə yarası ilə Neftçala Rayon Mərkəzi Xəstəxanasına yerləşdirilib. Yaralının dediyinə görə, o, Məmməd (şərti) adlı şəxs tərəfindən güllələnib.

Faktla bağlı araşdırma aparılır.(Report)


Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.