SON XƏBƏRLƏR
16 Sentyabr 2019
13 Sentyabr 2019
12 Sentyabr 2019
11 Sentyabr 2019
Gəncə sakinindən maraqlı addım: Hacı Zeynalabdin Tağıyevin xatirəsini əbədiləşdirib - VİDEO
CƏMİYYƏT 18:26 / 23.06.2019

Gəncə sakini yaşadığı evin yanında böyük Azərbaycan messenatı Hacı Zeynalabdin Tağıyevin xatirəsini əbədiləşdirib, onun adına bulaq tikib, üzərinə xeyriyyəçinin lövhəsini vurub. Elə yaşadığı küçə də xeyriyyəçinin adını daşıyır. 42 yaşlı şəhər sakini deyir ki, Tağıyevin adının əbədiləşdirilməsi üçün bulaq tikməsi təsadüfi deyil.

Gəncə sakini Elbrus Hüseynov yaşadığı evin yaxınlığında dahi Azərbaycan milyonçusu və xeyriyyəçisi Hacı Zeynalabdin Tağıyevin xatirəsini əbədiləşdirmək qərarına gəlib, üzərində onun xatirə lövhəsi olan bulaq tikib.

Elbrus Hüseynov deyir ki, əsas niyyətlərindən biri həm Tağıyevin daha yaxından tanıdılmasına cüzi də olsa xidmət etmək, həm də onun xeyriyyəçilik ideyalarının yaşadılmasına töhfə vermək olub.

İxtisasca memar olan Elbrus Hüseynov bulağın layihəsini də özü hazırlayıb, inşasını da özü həyata keçirib. Həm də pula qənaət etməyib, inşaat üçün ağ mərmərdən istifadə edib.

Elbrus Hüseynovun məhz bulaq variantını seçməsi də səbəbsiz deyil. O, bununla Bakıya su çəkdirən Tağıyevin nəcib əməlini bir daha yada salmaq, insanları xeyirxah işlərə ruhlandırmaq istəyib.

© xezerxeber.az

Regioninfo.az ©2019 Bütün hüquqlar qorunur
Təsisçi: Demokratik Cəmiyyətin İnkişafına Yardım
İctimai Birliyinin sədri Əsgər Məmmədov
Tel: 012 566 28 48
Mobil: 055 485 68 08
İSTİFADƏ QAYDALARI Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.